Маккенни Англия біріншілігінде доп тебетін болды

АҚШ құрамасының жартылай қорғаушысы Уэстон Маккенни туриндік "Ювентус" сапынан "Лидс" клубына ауысты, деп жазады KAZ.NUR.KZ тілшісі.

Бұл ақпаратты "Лидс" футбол клубының баспасөз қызметі Twitter желісіндегі парақшасында растады.

Келісімшартта жартылай қорғаушының Англия біріншілігінде маусымның соңына дейін өнер көрсететіні жазылған.

Сонымен қатар "Лидс" клубы АҚШ құрамасының ойыншысын туриндік ұжымнан сатып ала алады.

24 жастағы жартылай қорғаушы жаңа командада 28-нөмірмен ойнамақ.

Еске сала кетейік, Уэстон Маккенни осы маусымда футболдан Италия біріншілігінде 15 матчқа қатысып, 1 голың авторы атанды. Бұдан бөлек ол Катарда өткен Әлем чемпионатында АҚШ құрамасымен бірге турнирдің плей-офф кезеңіне дейін барды.

Мәтіннен қате тапсаңыз, бізге жазыңыз