Клубтар арасындағы әлем чемпионаты: Бір команда жарыс жолынан шығып қалды

Мароккода футболдан клубтар арасындағы әлем чемпионаты басталды, деп хабарлайды KAZ.NUR.KZ тілшісі.

Алғашқы матч египеттік "Әл-Ахли" мен жаңазеландиялық "Окленд Сити" арасында өтті.

Тартысты өткен ойын мысырлық ұжымның пайдасына аяқталды. Есеп 3:0. Гол авторлары: Хуссейн Эль-Шахат, Мохаммед Шериф, Перси Тау.

Осылайша, "Әл-Ахли" клубтар арасындағы әлем чемпионатының келесі айналымына жолдама алды. Енді египеттік клуб 4-ақпанда "Сиэтл Саундерс" клубымен ойнайды. Аталға датада "Видад" мен "Әл-Хилаль" матчы да болмақ.

Екі кездесудің жеңімпазы жартылай финалға шығады. Олар финалға берілетін жолдама үшін "Реал Мадрид" және "Фламенгомен" шеберлік байқасады.

Футболдан клубтар арасындағы әлем чемпионатының финалы 11 ақпанда өтеді.