Қазақстандық төрешілер VAR бойынша семинарға қатысты

Қазақстан футбол федерациясы Төрелік ету және қадағалау департаменті ФИФА төрешілер комитетінің қолдауымен қазақстандық төрешілер үшін VAR жүйесі бойынша онлайн семинар өткізіп жатыр, деп жазады Қазақстанның футбол федерациясы.

Семинар 5 ақпанға дейін жалғасады, оған Премьер-лиганың 25 бас төрешісі мен 28 көмекшісі, сондай-ақ Бірінші лиганың 8 бас төрешісі мен 25 көмекшісі қатысуда. Семинардың жүргізушісі – ФИФА нұсқаушысы Фархад Абдуллаев.

Оқу бағдарламасы Қатарда өткен 2022 жылғы әлем чемпионатын негізге ала отырып, төрешіліктегі барлық заманауи трендтерді қамтиды. Сондай-ақ "Пенальти шешімдері", "Тактикалық тәртіпсіздіктер және допқа талас", "Оффсайд", "Доппен жұмыс істеу" және "VAR-дың араласу шекарасы" сияқты қызу тақырыптар талқыланады.

Мәтіннен қате тапсаңыз, бізге жазыңыз