Доменико Тедеско Бельгия құрамасының жаңа бас бапкері болып тағайындалды, деп хабарлайды KAZ.NUR.KZ тілшісі.
Бұл ақпаратты Бельгия корольдік футбол қауымдастығынының баспасөз қызметі растады.
Ведомство мәліметінше, неміс маманымен келісімшарт Еуро-2024 аяқталғанға дейін жасалған.
Еске сала кетейік, бұған дейін Бельгия құрамасының бас бапкері қызметінен 49 жастағы испаниялық маман Роберто Мартинестің кеткенін жазған едік. Себебі, Бельгия футболдан Катарда өткен Әлем чемпионатында тобынан шықпай қалды.
Кейінірек ол Португалия құрамасының бас бапкері болып тағайындалды.
Мақаланың түпнұсқасы: https://kaz.nur.kz/sport/football/2008611-katardagy-alem-cempionatynda-satsiz-oner-korsetken-belgiya-quramasynyn-zana-bapkeri-tagaiyndaldy/
