Түнде футболдан Сауд Арабиясы чемпионатының 16-турының матчтары өтті. "Әл-Наср" сырт алаңда "Әл-Вахда" клубын ірі есеппен ұтты, деп жазады KAZ.NUR.KZ тілшісі.
Мекке қаласында өткен матчта 0:4 есебі тіркелді.
Ойынның жиырма бірінші минутында Криштиану Роналду мергендігімен көзге түсіп, "Әл-Наср" клубын алға шығарды.
Араға жиырма минут салып португалиялық сұрмерген есепті еселеді.
Екінші таймның басында "Әл-Вахда" клубының қорғаушысы тәртіп бұзып, төреші он бір метрлік айып добын белгіледі. Криштиану Роналду пенальтиден мүлт кетпей, есепті 0:3-ке жеткізді.
Әлем футболының жарық жұлдызының бірі бұнымен тоқтаған жоқ. Араға жеті минут салып ойынның нүктесін қойды.
Осылайша, Криштиану Роналду "Әл-Вахда" клубына қарсы ойында покер авторы атанды.
Бұған дейін шабуылшы 2019 жылы қыркүйек айында Литва қақпасына төрт гол соққан болатын.
Мақаланың түпнұсқасы: https://kaz.nur.kz/sport/football/2008884-kristianu-ronaldu-al-nasr-sapynda-bir-matcta-tort-gol-soqty/
