Месси, Мбаппе бастаған париждік клуб "Бавариядан" жеңіліп қалды

Футболдан Чемпиондар лигасының 1/8 финалының матчтары басталды. "ПСЖ" өз алаңында мюнхендік "Баварияны" қабылдады, деп жазады KAZ.NUR.KZ тілшісі.

"Парк де Пренс" стадионында өткен ойында "Бавария" жеңіске жетті. Есеп 0:1. Матчтағы жалғыз гол Кингсли Команның еншісіне жазылды. Жартылай қорғаушы 53-минутта мергендігімен көзге түсті. Оған әріптесі Альфонсо Дэвис нәтижелі пас берді.

Енді жауапты матч 9 наурыз күні Германияда өтеді.

Айта кетейік, жарақатынан жақында ғана айыққан "ПСЖ" клубының шабуылшысы Килиан Мбаппе алаңға ойынның екінші жартысынан қосылды. Ал Лионель Месси мен Неймар алғашқы минуттан бой көрсетті.

Мәтіннен қате тапсаңыз, бізге жазыңыз