Қазақстан құрамасының ойыншысы "Барселона" қақпасына гол соқты (видео)

Футзалдан Қазақстан құрамасының ойыншысы Тайнан "Барселона" қақпасына гол соғып, командасына жеңіс сыйлады, деп жазады KAZ.NUR.KZ тілшісі.

Футзалдан Испания біріншілігінің 20-турында мургиялық "Эль-Посо" мен "Барселона" кездесті. Тартысты өткен матчта "Эль-Посо" 3:2 есебімен жеңіске жетті.

Аталған ойында Қазақстан құрамасының ойыншысы Тайнан мергендігімен көзге түсіп, мургиялық ұжымның жеңіске жетуіне мұрындық болды.

Айта кетейік, 20-турдан кейін Испания біріншілігінде "Барселона" 49 ұпаймен көш бастап тұр. Ал "Эль-Посо" қазіргі уақытта төртінші орында келеді. Қазақстандық ойыншы өнер көрсететін клубтың еншісіне 39 ұпай бар.

Мәтіннен қате тапсаңыз, бізге жазыңыз