Футболдан Қазақстан ұлттық құрамасының капитаны Бауыржан Исламхан шымкенттік "Ордабасы" клубының ойыншысы атанды, деп хабарлайды KAZ.NUR.KZ тілшісі.
Жартылай футболшының шымкенттік ұжым сапында доп тебетінін Қазақстанның кәсіпқой футбол лигасы растады.
"Ордабасы" Бауыржан Исламханды қатарына қосу үшін Біріккен Араб Әмірлігінің "Әл-Айн" клубынан рұқсаты қажет еді. Тиісті қағаздың біршама уақытқа кешіктірілгені басылым беттерінде жазылды.
Нәтижесінде аталған рұқсат алынып, жартылай қорғаушыға шымкенттік ұжым сапына қосылуға мүмкіндік туды.
Айта кетейік, 2020 жылы Бауыржан Исламхан "Әл-Айн" сапында допинг дауына ілініп, екі жылға үлкен спорттан шеттетілді.
Қазақстан ұлттық құрамасының капитаны өткен жылы қараша айында Өзбекстан құрамасына қарсы жолдастық кездесуде алаңға шықты.
Мақаланың түпнұсқасы: https://kaz.nur.kz/sport/football/2011335-uzaq-uzilisten-keiin-bauyrzan-islamxannyn-qai-klubta-dop-tebetini-belgili-boldy/
