Түнде футболдан Испания кубогының жартылай финалы өтті. Алғашқы матчта "Реал Мадрид" "Барселонаға" есе жіберді, деп хабарлайды KAZ.NUR.KZ тілшісі.
"Сантьяго Бернабеу" стадионында өткен ойын "Барселонаның" пайдасына аяқталды. Есеп 0:1. Матчтағы жалғыз голды карольдік ұжымның қорғаушысы Эдер Милитао 26-минутта өз қақпасына соғып алды.
Осылайша, "Реал Мадрид" Испания кубогының алғашқы ойынында негізгі қарсыласына есе жіберіп отыр.
Жауапты матч 5 сәуір күні Барселона қаласындағы "Камп Ноу" стадионында өтеді.
Мақаланың түпнұсқасы: https://kaz.nur.kz/sport/football/2011594-real-madrid-oz-alanynda-barselonadan-zenilip-qaldy/
