Чемпиондар лигасы: "Манчестер Сити" қарсыласын ойсырата ұтты

Түнде футболдан Чемпиондар лигасының 1/8 финалының жауапты матчтары өтті. Нәтижесінде "Манчестер Сити" мен "Интер" турнирдің келесі айналымына жолдама алды, деп жазады KAZ.NUR.KZ тілшісі.

"Манчестер Сити" өз алаңында "Лейпциг" клубын қабылдап, 7:0 есебімен жеңіске жетті. Гол авторлары: Эрлинг Холанд (пента-трик), Илкай Гюндоган, Кевин де Брюйне.

Қос команда арасындағы алғашқы ойында тең есеп тіркелген еді.

Осылайша, Пеп Гвардиоланың шәкірттері Чемпиондар лигасының ширек финалына жолдама алып отыр.

Ал "Порту" мен "Интер" арасындағы ойында есеп ашылған жоқ. Нәтижесінде миландық клуб өз алаңындағы жеңісінің арқасында турнирдің келесі кезеңіне шықты.