Еуропадағы беделді клубтардың базасында тәрбиеленген футболшы Дінмұхаммед Қашкен сүйіктісі Мерейге Париж төрінде ұсыныс жасады, деп хабарлайды KAZ.NUR.KZ.
Өміріндегі ерекше толқынысты сәтті танымал блогер Мерей Әбілова жеке парақшасында жариялады.
"Мен "Иә" дедім. Барлығы ертегідегідей өтті. Барлық қызға жұғысты болсын!", - деп жазды Мерей желідегі парақшасында.
Дінмұхаммед сүйіктісіне әйгілі Эйфель мұнарасының маңында сөз салған. Романтикалық сәттің видеосын көрген желі қолданушылары екі жасқа баянды бақыт, ұзақ ғұмыр тілеуде.
"Барлық қыздың арманы - Париж емес, футболшыға тұрмысқа шығу", "Жұғысты болсын!", "Бақытты болыңдар", - деп жазды желі қолданушылары.
Мақаланың түпнұсқасы: https://kaz.nur.kz/sport/football/2014217-barlyq-qyzdyn-armany-qazaq-futbolsysy-pariz-torinde-suiiktisine-esten-ketpes-usynys-zasady-video/
