Лондондық "Челси" клубы алғаш рет жасыл алаңда мұсылмандарға ауызашар берді

Лондондық "Челси" футбол клубы мұсылмандарға арнап ауызашар берді. Клуб басшылығы ауызашарды жергілікті "Стэмфорд Бридж" стадионында ұйымдастырған, деп жазады клубтың ресми сайтына сілтеме жасаған KAZ.NUR.KZ.

Ауызашар алғаш рет ағылшын премьер-лигасы тарихында стадионның жасыл алаңында өтіп отыр. Клубтың ресми алаңы "Стэмфорд Бриджде" мұсылмандар ауыз ашу рәсіміне қатысты.

Ауызашарға жиналған мұсылман жұрт өзара әңгіме-дүкен құрып, қасиетті ай туралы шүйіркелесті.

"Біз әрбір жанкүйердің қуанышын бөліскіміз келеді. Бұл ерекше оқиға. "Челси" ашық түрде ауызашар өткізген Премьер-лигадағы алғашқы клуб атанды", - деді лорд Даниеэль Финкельштейн.

Ауызашарға ислам ұйымдарының өкілдері де қатысқан.

Мәтіннен қате тапсаңыз, бізге жазыңыз