Асхат Тағыбергеннің Дания қақпасына соққан добын УЕФА үздік голдар қатарына қосты

Еуропа футбол қауымдастықтарының одағы (УЕФА) 2024 жылғы Еуропа чемпионатына іріктеу кезеңінің екінші айналымындағы үздік голды анықтау үшін сауалнама жариялады, деп жазады KAZ.NUR.KZ.

Бұл туралы ұйымның ресми сайтында хабарланды.

Турдың үздік голына үміттілер қатарында Асхат Тағыбергеннің Дания қақпасына соғылған голы да бар.

Қазақстан құрамасының капитаны алыстан Каспер Шмейхель қақпасын дәл көздеп, есепті теңестірген болатын.

Оның негізгі қарсыластары - Букайо Сака (Англия), Андрей Буркэ (Румыния) және Владислав Морозов (Беларусь).

Футбол жанкүйерлері өз дауысын УЕФА-ның ресми сайтында бере алады.

Айта кетелік, Қазақстан командасы Данияны өз алаңында 3:2 есебімен ұтты. Бұл Қазақстан құрамасының еуропалық клубтан төрт рет жеңілгеннен кейін алғаш рет есе қайтаруы екенін еске саламыз.

Мәтіннен қате тапсаңыз, бізге жазыңыз