Түнде Чемпиондар лигасының ширек финалының алғашқы матчтары өтті, деп хабарлайды KAZ.NUR.KZ тілшісі.
"Саньяго Бернабеу" стадионында өткен "Реал Мадрид" пен лондондық "Челси" арасындағы ойын алаң иелерінің жеңісімен аяқталды. Есеп 2:0. 21-минутта Карим Бензема мергендігімен көзге түссе, 74-минутта Марко Асенсио матчтың нүктесін қойды.
Сонымен қатар түнде "Милан" мен "Наполи" арасындағы ойынның өткені белгілі. Италиялық командалар арасындағы кездесудің "тағдырын" жалғыз доп шешті. Гол авторы: "Милан" жартылай қорғаушысы Исмаэль Беннасер.
Осылайша, ширек финалдың алғашқы матчында "Манчестер Сити", "Интер", "Реал Мадрид" және "Милан" жеңіске жетіп отыр.
Мақаланың түпнұсқасы: https://kaz.nur.kz/sport/football/2016604-cempiondar-ligasy-sirek-finaldyn-algasqy-mactarynyn-natizesi-belgili-boldy/
