Роналду өнер көрсететін клубтың жаңа бас бапкері кім (фото)

Сауд Арабиясының чемпионатында өнер көрсететін "Әл-Наср" клубының жаңа бас бапкері белгілі болды, деп хабарлайды KAZ.NUR.KZ тілшісі.

Клубтың бас бапкері қызметіне хорватиялық маман Динко Еличич келді. Бұл ақпаратты "Әл-Наср" ұжымының баспасөз қызметі Twitter желісіндегі парақшасында растады. Ол жұмысынан кеткен Руди Гарсияның орнына жайғасып отыр.

Арабиялық клуб пен Динко Еличичтің қанша уақытқа келісімшартқа отырғаны белгісіз.

Айта кетейік, бұған дейін хорватиялық маман "Әл-Наср" клубының жастар командасын жаттықтырған.

Қазіргі уақытта клуб турнирлік кестеде екінші орында келеді.

Мәтіннен қате тапсаңыз, бізге жазыңыз