Футболдан Қазақстан ұлттық құрамасының бас бапкері Магомед Адиев арманы туралы сөз қозғады, деп хабарлайды KAZ.NUR.KZ тілшісі.
Магомед Адиевке Instagram stories-те оқырмандардың бірі "Сіздің футболдан тыс арманыңыз қандай?" деп сауал қойды.
"Бапкерлік мансабымды аяқтаған соң медиаэфирден кетіп, өз үйімде жанұям мен жақындарымның ортасында тыныш өмір сүретін боламын. Бұл менің басты арманым", - деді ұлттық құраманың бас бапкері.
Айта кетейік, Магомед Адиев жаттықтыратын Қазақстан құрамасы наурызда Еуро-2024 іріктеу кезеңі аясында екі ойын өткізді. Алдымен отандық футболшылар Словенияға (1:2) есе жіберсе, екінші турда Даниядан (3:2) басым түсіп, сенсация жасады.
Осыдан соң ұлттық команда Халықаралық футбол қауымдастықтарының федерациясы (ФИФА) жариялаған рейтингте үш сатыға көтерілді.
Мақаланың түпнұсқасы: https://kaz.nur.kz/sport/football/2016845-futboldan-qazaqstan-quramasynyn-bas-bapkeri-qandai-armany-bar-ekenin-aitty/
