Футболдан Қазақстан құрамасының капитаны жарақат алды (фото)

Футболдан Қазақстан ұлттық құрамасының капитаны Асхат Тағыберген жарақат алды. Бұл ақпаратты "Ордабасы" клубының баспасөз қызметі растады, деп жазады KAZ.NUR.KZ тілшісі.

"Қостанайлық "Тобылға" қарсы өткен матчта Асхат Тағыберген оң аяқ санын (хамстринг) жарақаттап алды. Қазір ол емделіп жатыр.

Капитанымызға жарақатынан тез айығып, алаңға ертерек оралуына тілектеспіз", - делінген хабарламада.

Еске сала кетейік, бұған дейін УЕФА Асхат Тағыбергеннің Дания қақпасына соққан голын үздік деп таныған еді.

Қазақстан құрамасының капитаны жанкүйерлердің дауысының арқасында Букайо Сака (Англия), Андрей Буркэ (Румыния) және Владислав Морозовтан (Беларусь) басым түсті.

Мәтіннен қате тапсаңыз, бізге жазыңыз