Өзбекстанда матчтан кейін футболшылар арасында жаппай төбелес болды

Футболдан Өзбекстан біріншілігінің кезекті турынан кейін "Бунедкор" мен "Насаф" ойыншылары арасында жаппай төбелес болды, деп хабарлайды KAZ.NUR.KZ тілшісі Өзбекстанның футбол қауымдастығының баспасөз қызметіне сілтеме жасап.

Қос клуб арасындағы ойын 1:1 есебімен аяқталып, матчтан соң "Бунедкор" мен "Насаф" ойыншылары жаға жартысты. Аталған сәттің видеосы әлеуметтік желіде тарады.

Куәгерлердің сөзінше, жаппай төбелеске 40-50 адам қатысқан. Олардың арасында екі команданың футболшылары мен өкілдері бар.

"Өзбекстанның футбол қауымдастығының тәртіптік комиссиясы Бунедкор" мен "Насаф" матчынан кейін екі команда өкілдері арасындағы жағдайды қарайды", - делінген хабарламада.

Қазіргі уақытта арнайы құрылған жұмыс тобы зерттеу жұмыстарын жүргізіп жатыр.

"Барлық ақпарат пен материал тәртіптік комиссияға беріледі. Кінәлілер анықталып, оларға шара қолданылады", - деді Өзбекстанның футбол қауымдастығы.

Мәтіннен қате тапсаңыз, бізге жазыңыз