Бүгін Чемпиондар лигасының жартылай финалына шығатын барлық команда анықталады

Бүгін Чемпиондар лигасының жартылай финалына шығатын барлық команда анықталмақ, деп хабарлайды KAZ.NUR.KZ тілшісі.

Мюнхендік "Бавария" өз алаңында "Манчестер Ситиді" қабылдамақ. "Альян Аренада" өтетін ойынды қазақстандықтар Qazsport арнасынан көре алады. Матч 00.50-де басталады деп жоспарланып отыр.

Қос клуб арасындағы алғашқы ойын 3:0 есебімен Гвардиоланың шәкірттерінің пайдасына аяқталды.

Аталған кездесуден соң "Бавария" ойыншылары Лерой Сане мен Садьо Мане төбелесіп қалды.

Кейінірек мюнхендік команданың басшылығы жағдайға байланысты пікір білдіріп, тиісті шешім қабылдады.

Сонымен қатар түнде "Интер" мен "Порту" жауапты матч өткізеді. Аталған ойынды Qazaqstan телеарнасынан тікелей эфирде көрсетіледі.

Италиялық және португалиялық ұжым арасындағы алғашқы кездесу миландық клубтың пайдасына аяқталды (0:2)

Еске сала кетейік, бұған дейін Чемпиондар лигасының жартылай финалына "Реал Мадрид" пен "Милан" жолдама алған еді. Олар "Челси" мен "Наполи" клубын жарыс жолынан шығарды.

Мәтіннен қате тапсаңыз, бізге жазыңыз