"Реал Мадрид" екі матчта да "Челсиден" басым түсті
Опубликовано:
"Реал Мадрид" Чемпиондар лигасының жартылай финалына шықты, деп хабарлайды KAZ.NUR.KZ тілшісі.
Алғашқы матчта "Реал Мадрид" өз алаңында "Челсиді" 2:0 есебімен ұтқан еді. Жауапты кездесуде де дәл сондай есеп тіркелді. "Стэмфорд бридж" стадионында өткен матчта карольдік клубтың шабуылшысы Родриго дубль авторы атанды.
Осылайша, Карло Анчелоттидің шәкірттері еш қиындықсыз турнирдің жартылай финалына жолдама алды.
"Реал Мадрид" соңғы 13 жылда Чемпиондар лигасының 1/2 финалына 11 рет шыққан.
Еске сала кетейік, бұған дейін Чемпиондар лигасының жартылай финалына "Миланның" шыққанын жазған едік. Стефано Пиолидің шәкірттері ширек финалда "Наполи" клубын жарыс жолынан шығарды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2017308-real-madrid-eki-matcta-da-celsiden-basym-tusti/