Еуропа лигасының жартылай финалына шыққан барлық команда анықталды

Түнде Еуропа лигасының ширек финалының жауапты матчтары өтті, деп хабарлайды KAZ.NUR.KZ тілшісі.

Турнирдің жартылай финалына төрт команда шықты. Олар: "Ювентус" (Италия), "Рома" (Италия), "Севилья" (Испания), "Байер" (Германия").

Туриндік клуб португалиялық "Спортингті", Жозе Моуриньо жаттықтыратын "Рома" экстра таймда "Фейенордты", Германия біріншілігінде өнер көрсететін "Байер" бельягиялық "Юнионды" және "Севилья" ағылшындық "Манчестер Юнайтедті" жарыс жолынан шығарды.

Жартылай финалда кездесетін командалар:

• "Севилья" - "Ювентус",
• "Рома" - "Байер".

Еуропа лигасының жартылай финалдық матчтары 11 және 18 мамырда өтеді.