Футболдан Англия кубогының финалына шыққан командалар анықталды, деп хабарлайды KAZ.NUR.KZ тілшісі.
Түнде жартылай финалда "Манчестер Юнайтед" пен "Брайтон" кездесті. Матчтың негізгі және қосымша уақытында қос клуб тең түсті. Нәтижесінде пенальти сериясында 7:6 есебімен Эрик Тен Хагтың шәкірттері жеңімпаз атанды.
Осылайша, "Манчестер Юнайтед" Англия кубогының ақтық мәресіне жолдама алды.
Енді клуб 3 маусымға жоспарланған финалда Хосеп Гвардиола жаттықтыратын "Манчестер Ситимен" шеберлік байқаспақ.
Мақаланың түпнұсқасы: https://kaz.nur.kz/sport/football/2017973-futboldan-angliya-kubogynyn-finalyna-syqqan-komandalar-anyqtaldy/
