"Жетісу" футбол клубының бас бапкері тағайындалды (фото)

"Жетісу" футбол клубының директоры Қалмұхамет Дөңсебаев команда ойыншыларына жаңа бас бапкер - Асқар Қожабергенов пен оның көмекшісі - Сергей Климовты таныстырды, деп хабарлайды KAZ.NUR.KZ тілшісі клубтың баспасөз қызметіне сілтеме жасап.

Бұған дейін команданы жаттықтырған Алмас Құлшынбаевпен келісімшарт екі тараптың шешімімен бұзылған.

Айта кетейік, Асқар Қожабергенов "Есіл-Богатырь" (Петропавл), "Ертіс" (Павлодар), "Тобыл" (Қостанай) сынды командаларды баптаған.

2014-2015 жылдары "Жетісуды" жаттықтырған. Сол жылы жетісулықтар Қазақстан Чемпионатында екінші орын алған еді. .

Мәтіннен қате тапсаңыз, бізге жазыңыз