"Ақтөбеге" қарсы ойында есін жоғалтқан алматылық футболшыға қатысты тың ақпарат шықты

"Қайрат" футбол клубының жартылай қорғаушысы Арсен Буранчиев есін жиды, деп хабарлайды KAZ.NUR.KZ тілшісі.

Айта кетейік, кеше, 14 мамырда футболдан Қазақстан біріншілігінің кезекті турында "Қайрат" пен "Ақтөбе" клубтары кездесті. Алматылық ұжымның пайдасына аяқталған ойынның сегізінші минутында Арсен Буранчиев "Ақтөбе" шабуылшысы Элдер Сантанамен допқа талас кезінде жарақат алып, ауруханаға жеткізілген еді.

Бүгін жартылай қорғаушы есін жиған. Бұл ақпаратты "Қайрат" футбол клубының ресми сайты растады.

"Арсен Буранчиев есін жиды. Біздің ойыншыны дәрігерлер үнемі бақылап отыратын болады.

Клубтың шешімімен Қазақстан OLIMPBET-Кубогының 1/4 финалындағы "Қайрат" – "Атырау" матчына билеттерді сатудан түскен барлық қаражат Арсен Буранчиев пен оның отбасына аударылады", - делінген хабарламада.

Мәтіннен қате тапсаңыз, бізге жазыңыз