"Манчестер Сити" Англия кубогының жеңімпазы атанды

"Манчестер Сити" клубы футболдан Англия кубогының жеңімпазы атанды.

Гвардиоланың шәкірттері финалда "Манчестер Юнайтедпен" ойнады. Тартысты өткен матчта 2:1 есебімен "Манчестер Сити" жеңіске жетті.

Гол авторлары: Илкай Гюндоган (дубль) - Бруну Фернандеш (он бір метрлік айып добынан).

"Манчестер Сити" жартылай қорғаушысының 13-секундта соққан голы Англия кубогының тарихындағы ең жылдам доп болып тіркелді.

Айта кетейік, "Манчестер Сити" Англия кубогын жетінші рет ұтып алып, "Астонн Вилламен" теңесті. Бұл маусымда Гвардиоланың шәкірттері ел біріншілігін мерзімінен бұрып жеңіп, Чемпиондар лигасының финалына шықты.