Аргентина құрамасының капитаны, әлемнің үздік футболшысының бірі Лионель Месси АҚШ-қа келді.
Бұл ақпаратты инсайдер Фабрицио Романо Twitter желісіндегі парақшасында жариялады.
Оның сөзінше, жеті рет "Алтын доп" жеңген ойыншы жаңа клубпен келісімшартқа отыру үшін АҚШ-қа келген.
"Шұғыл ақпарат. Лионель Месси "Интер Майамиге" ауысады. Шешім қабылданды және оны Лео бірнеше сағатта хабарлайды.
Месси MLS-те өнер көрсетеді. "Барселона" мен "Әл-Хиляль" клубтарында қанша тырысқанына қарамастан мүмкіндік қалмады", - деді инсайдер.
Айта кетейік, Лионель Месси соңғы екі маусым париждік "ПСЖ" сапында өнер көрсетті. Шабуылшы 58 матчта 22 гол соғып, 30 нәтижелі пас берді.
Мақаланың түпнұсқасы: https://kaz.nur.kz/sport/football/2023838-baq-messidin-qandai-klubty-tandagany-birer-sagatta-belgili-bolady/
Егер сіздің лақапатыңыз ережелердің талаптарына сәйкес келмесе, оны 4 қазанға дейін өзгертіңіз. Әйтпесе, ол автоматты түрде ауыстырылады.