Қытайлық жанкүйерлер төрт күн бойы Месси тұратын қонақүйді торуылдап жүр

15 маусым күні Бейжіңде футболдан Аргентина мен Австралия құрамалары жолдастық кездесу өткізеді. Осыған орай, әйгілі Лионель Месси Бейжіңге келді, деп хабарлайды Риа Новости сайтына сілтеме жасаған KAZ.NUR.KZ.

Қытайлық фанаттар әлем футболының жұлдызын көру үшін ол тұрақтаған қонақүй маңында сағаттап отыруға мәжбүр. Себебі Месси өткен сенбіден бері Бейжіңде жүр.

Аргентина құрамасы орналасқан қонақүй маңында Мессидің аты жазылған жейде киген жанкүйерлердің қарасы көп. Олардың бәрі де әйгілі футболшыны бір көріп қалуды армандауда.

Бұған дейін қытайлық мемлекеттік басылымдар Аргентина құрамасының жоспарлы жаттығуы жанкүйерлер кесірінен өтпей қалғанын мәлімдеген болатын.

Мессиді көргісі келетін жанкүйерлердің көптігінен футболшылар қонақүйден шыға алмай, жаттығу кейінге шегерілді.

Қытайлық жанкүйерлердің бірі Месси тұрақтаған қонқүйден қыруар ақшаға нөмір броньдап қойған.