Футболдан Қазақстан құрамасы Сан-Мариноға қарсы матчқа Италияда дайындалып жатыр (фото)

Қазақстан құрамасы Италияның Парма қаласында жаттығу жұмыстарын жасап жатыр.

Бұл туралы Қазақстанның футбол федерациясы хабарлады.

Айта кетейік, Қазақстан құрамасы маусым айында 2024 жылғы Еуропа чемпионатының іріктеу кезеңінде сырт алаңда екі матч өткізеді.

Ертең, 16 маусымда Магомед Адиевтің шәкірттері Сан-Мариномен Италияның Парма қаласында кездеседі.

Ойын "Эннио Тардини" стадионында елорда уақытымен 00:45-те басталады.

Үш күннен кейін ұлттық құрама Солтүстік Ирландиямен ойнайды.

Кездесудің басталуы Астана уақытымен 00:45-ке жоспарланған. Матч Белфаст қаласы, "Уиндзор Парк" стадионында өтеді.

Мәтіннен қате тапсаңыз, бізге жазыңыз