"Манчестер Ситидің" капитаны "Барселона" ойыншысы атану мүмкін

"Манчестер Ситидің" капитаны Илкай Гюндоган "Барселона" ойыншысы атану мүмкін.

Журналист Фабрицио Романо Twitter желісінде ұсынған ақпаратқа сәйкес, "Барселона" футбол клубы жартылай қорғаушыны түбегейлі тіркеуге рұқсат алған.

Қос тарап ортақ шешімге келген және тиісті құжатқа қол қойылған.

Алдағы уақытта ресми ақпарат шығады деп күтілуде.

Айта кетейік, 32 жастағы Илкай Гюндоган 2016 жылы "Манчестер Сити" ойыншысы атанды. Өткен маусымда жартылай қорғаушы ағылшын біріншілігінде 31 матчқа шығып, 8 гол соқты және 4 рет әріптестеріне нәтижелі пас шығарды.