Италиялық Карло Анчелотти 2024 жылдан бастап футболдан Бразилия құрамасының бас бапкері болмақ. Бұл туралы rsport.ru басылымына сілтеме жасаған KAZ.NUR.KZ хабарлайды.
Анчелоттидің бес дүркін әлем чемпиондарын жаттықтыратыны туралы ақпарды Бразилия футбол конфедерациясының президенті Эдналдо Родригес мәлімдеді.
Қазіргі тағда Анчелотти мадридтік "Реал" командасын жаттықтырады. Карлоның "Реалмен" келісімшарты 2024 жылдың жазында аяқталмақ.
Футболдан Бразилия құрамасы әлем чемпионатын бес рет жеңіп алған. Соңғы рет олар 2002 жылы Оңтүстік Корея мен Жапонияда өткен әлемдік сында топ жарды.
Содан кейінгі мундиальдарда бразилиялықтардың жолы болар емес.
Мақаланың түпнұсқасы: https://kaz.nur.kz/sport/football/2027653-aigili-karlo-ancelotti-2024-zyly-braziliyanyn-bas-bapkeri-atanady/
