Чемпиондар лигасы: бүгін "Астана" Тбилисидің "Динамо" командасын қабылдайды

Бүгін елордалық "Астана" футбол клубы Чемпиондар лигасына іріктеу аясында Тбилисидің "Динамо" клубымен кездеседі. Бұл туралы KAZ.NUR.KZ хабарлайды.

Кездесу бүгін, 12 шілде күні "Астана Арена" стадионында өтеді.

Матч Астана уақытымен 20:00-де басталады. Кездесуді Qazsport арнасы тікелей эфирде көрсетпек.

Ал екі команда арасындағы қарымта матч 19 шілдеге жоспарланған. Екінші кездесу Тбилисиде өтеді.

Айта кетелік, Қазақстан құрамасының қорғаушысы, жақында "Тобылдан" "Астанаға" ауысқан Александр Марочкин де ойыншылар тізіміне енген.

Мәтіннен қате тапсаңыз, бізге жазыңыз