Даңқты қазақстандық футболшы Сейілда Байшақов өмірден озды. Бұл туралы Қазақстан футбол федерациясына сілтеме жасаған KAZ.NUR.KZ хабарлайды.
Қазақ футболының аңызы, Қазақстан ардагерлер футболы одағының президенті, Қазақстан футбол федерациясының кеңесшісі Сейілда Байшақов 73 жасқа қараған шағында өмірден озды.
"Сейілда Икрамұлы КСРО спорт шебері, халықаралық дәрежедегі спорт шебері, Қазақстанға еңбек сіңірген жаттықтырушы болды. Ұзақ жылдар бойы алматылық "Қайраттың" капитаны атанып, КСРО ұлттық құрамасында ойнайды.
Сейілда Байшақовтың отандық футболдың дамуына қосқан үлесі орасан. Ел футболы үшін аянбай еңбек етіп, жас ұрпаққа үлкен тәлім-тәрбие берді.
Қазақстан футбол федерациясы Сейілда Икрамұлының туысқандары мен жақындарына қатты қайғырып, көңіл айтады. Сейілда Байшақов есімі біздің жүрегімізде мәңгі қалады", - делінген хабарламада.
Мақаланың түпнұсқасы: https://kaz.nur.kz/sport/football/2028381-qazaq-futbolynyn-anyzy-seiilda-baisaqov-qaitys-boldy/
