"Барселонаның" аңыз ойыншысы Мессидің жаңа командасында доп тебетін болды
Опубликовано:
"Барселона" футбол клубының аңыз ойыншысы Серджи Бускетс "Интер Майами" ойыншысы атанды.
Бұл ақпаратты "Интер Майами" клубының ресми сайты растады.
35 жастағы жартылай қорғаушы мен атақты Дэвид Бекхэмнің командасы 2025 жылға дейін келісімшартқа отырды.
Футболшы "Интер Майами" сапына еркін агент ретінде қосылды.
Серджи Бускетс бұған дейін "Барселона" клубынан келісімшартының аяқталуына байланысты кеткен еді.
Ол католониялық ұжымда 17 жасынан бастап доп теуіп, Испания чемпионаты мен кубогын, Чемпиондар лигасын және тағы басқа көптеген жүлде жеңіп алған. Сонымен қатар жартылай қорғаушы "Барселона" капитаны қызметін де атқарды.
Айта кетейік, жақында "Интер Майами" клубы ресми түрде Лионель Мессидің АҚШ чемпионатында (MLS) доп тебетінін хабарлады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2028931-barselonanyn-anyz-oiynsysy-messidin-zana-komandasynda-dop-tebetin-boldy/