"Әл-Наср" клубы Роналду алаңнан кеткен соң 5 гол жіберіп алды

Криштиану Роналду өнер көрсететін "Әл-Наср" клубы жолдастық кездесуде ойсырай ұтылды. Бұл туралы KAZ.NUR.KZ тілшісі хабарлайды.

Португалияның Фару қаласында өткен жолдастық кездесуде "Әл-Наср" клубы испаниялық "Сельтамен" ойнады.

Матч 0:5 есебімен испаниялық ұжымның пайдасына аяқталды.

"Әл-Наср" клубының капитаны Криштиану Роналду мен жақында ғана команда сапына қосылған Марцело Брозович жолдастық кездесуді алғашқы минуттан бастап, екінші таймда алмастырылды.

52-минутта Сауд Арабиясында өнер көрсететін ұжымның футболшысы "қызыл" қағаз алып, алаңнан қуылды. Осыдан кейін 20 минуттың ішінде "Сельта" қарсыластың қақпасына жауапсыз бес гол соқты.

Мәтіннен қате тапсаңыз, бізге жазыңыз