Футболдан Қазақстан құрамасының жартылай қорғаушысы "Атырау" ойыншысы атанды. Бұл туралы клубтың баспасөз қызметі хабарлады.
"Геворг Наджарян "Атырау" футбол клубымен келісімшартқа қол қойды,
Геворг Қазақстан Премьер-лигасында 100-ден астам ойын өткізді. 2019 жылы Қазақстан Ұлттық құрамасында дебютін жасады. Геворгқа ақ-жасылдар сапында жаңа жеңістерді бағындыруды тілейміз. Қош келдің, Гева", - делінген хабарламада.
Айта кетейік, Геворг Наджарян 1998 жылы 6 қаңтарда Арменияда өмірге келген. Ол екі жасында ата анасымен бірге Қазақстанға көшіп келген.
Жартылай қорғаушы кәсіпқой мансабында "Шахтер", "Астана", "Пюник" (Армения), "Ван" (Армения) секілді клубтарда доп тепкен.
Мақаланың түпнұсқасы: https://kaz.nur.kz/sport/football/2029157-europalyq-klubta-dop-tepken-qazaqstandyq-futbolsy-atyrau-oiynsysy-atandy/
