"Бавария" клубының футболшылары бір матчта жауапсыз 27 гол соқты

"Бавария" футбол клубының ойыншылары жолдастық кездесуде 27 гол соқты. Бұл туралы KAZ.NUR.KZ тілшісі мюнхендік ұжымның баспасөз қызметіне сілтеме жасап хабарлайды.

"Бавария" футбол клубы жолдастық матчты Германия біріншілігінің тоғызыншы дивизионында өнер көрсететін "Роттах-Эгерн" командасына қарсы өткізді.

Ойын кезінде мюнхендік ұжымның ойыншылары басымдылықты түбегейлі қолдарына алып, қарсыластың қақпасына 27 гол соқты. Ал "Роттах-Эгерн" командасы есеп аша алған жоқ.

Айта кетейік, "Бавария" сапынан Матис Тель (пента-трик), Джамал Мусиала (пента-трик), Марель Забитцер (пента-трик), Серж Гнабри (хэт-трик), Лерой Сане, Дайо Упамекано, Нуссаир Мазрауи, Конрад Лаймер, Альфонсо Дэвис, Рафаэл Геррейру, Райан Гравенберх, Кингсли Коман және Садьо Мане мергендігімен көзге түсті.

Мәтіннен қате тапсаңыз, бізге жазыңыз