Миына қан құйылған әйгілі қақпашының қазіргі жағдайы қалай

Нидерланд құрамасының бұрынғы қақпашысы Эдвин ван дер Сар жансақтау бөлімінен шықты. Бұл туралы ТАСС агенттігіне сілтеме жасаған KAZ.NUR.KZ хабарлайды.

7 шілде күні "Аякс" клубының баспасөз қызметі ван дер Сардың миына қан құйылып, жансақтау бөліміне жеткізілгенін мәлімдеген еді.

"Мен әлі де ауруханадамын. Келесі аптада үйге оралып, қалпыма келу үшін келесі қадамды жасаймын", - деді ван дер Сар.

30 мамыр күні ван дер Сар "Аякстың" бас директоры қызметінен бас тартқан болатын. Ол бұл шешімін уақытты өзіне арнап, көбірек демалу керектігімен түсіндірді.

Айта кетелік, әйгілі қақпашы 2016 жылдың қарашасынан бері "Аякстың" бас директоры қызметінде. Ол басшылық қызметті атқарған жылдары "Аякс" үш рет ел чемпионатын ұтып алған.

Мәтіннен қате тапсаңыз, бізге жазыңыз