33 жастағы Қазақстан құрамасының ойыншысы командасыз қалды

Павлодарлық "Ақсу" клубы Қазақстан құрамасының қорғаушысы Елдос Ахметовпен келісімшартты бұзды. Бұл туралы Meta-ratings.kz сайты хабарлайды.

Елдос Ахметов "Ақсу" сапына осы маусымның басында қосылған болатын. Тәжірбиелі қорғаушы павлодарлық ұжымда Қазақстан біріншілігінде жеті және ел кубогында бір ойынға қатысты.

Айта кетейік, Елдос Ахметов Тараз футболының тәрбиеленушісі болып табылады.

Оның Қазақстан біріншілігіндегі дебюті 2009 жылы Павлодарлық "Ертіс" құрамында өтті.

Сондай-ақ қорғаушы "Тараз", "Астана", "Қайсар" және "Қайрат" сияқты клубтарда доп тепкен.

Бұдан бөлек Елдос Ахметов Қазақстан ұлттық құрамасының сапында өнер көрсетті.

Мәтіннен қате тапсаңыз, бізге жазыңыз