Андре Онана "Манчестер Юнайтед" сапына қосылды. Бұл ақпаратты клубтың баспасөз қызметі растады, деп хабарлайды KAZ.NUR.KZ тілшісі.
"Манчестер Юнайтед" пен Андре Онана 5 жылға келісімшартқа отырды.
Бұл трансфер үшін миландық "Интер" футбол клубы 52,5 миллион еуро төлемақы алған. Сонымен қатар шартта 5 миллин еуроға дейінгі қосымша ақы қарастырылған.
Айта кетейік, Онана өткен маусымда "Интер" сапында 24 матчқа қатысып, 24 гол жіберіп алды.
Ал "Манчестер Юнайтедтің" бұған дейінгі қақпашысы Давид Де Хеа келісімшарттың аяқталуына байланысты ұжым сапынан кетті. Қазіргі уақытта ол еркін агент. БАҚ беттерінде Давид Де Хеа Криштиану Роналду доп тебетін "Әл-Наср" клубына қосылады деген ақпарат тарап жатыр.
Мақаланың түпнұсқасы: https://kaz.nur.kz/sport/football/2029556-myu-50-millionnan-astam-euroga-qaqpasy-satyp-aldy-foto/
