"Қайрат" футзал клубының басшылығында өзгеріс болды. Бұл туралы KAZ.NUR.KZ тілшісі алматылық ұжымның баспасөз қызметіне сілтеме жасап хабарлайды.
"Сергей Коридзе – "Қайраттың" спорт директоры қызметіне тағайындалды. Бұған дейін бас бапкердің көмекшісі қызметін атқарған Сергей Коридзе жаңа қызметке келді", - делінген хабарламада.
Еске салайық, Сергей Коридзе "Қайратқа" 2018 жылы келген. Ол бес маусым бойы жаттықтырушының көмекшісі болып жұмыс істеді.
Айта кетейік, бұған дейін Рикардо Кака "Қайрат" футзал клубының бас бапкері қызметінен кеткен еді. Ол "Қайрат" футбол клубын 2018 жылдан бастап жаттықтырды. Каканың жетекшілігімен алматылық ұжым 242 матч өткізіп, оның 202-де жеңіске жеткен.
Мақаланың түпнұсқасы: https://kaz.nur.kz/sport/football/2029616-qairat-futzal-klubynyn-bassylygynda-ozgeris-boldy/
