Маңызды турнир алдында футболдан Қазақстан әйелдер құрамасының бас бапкері тағайындалды

Қазақстандық маман Мадияр Кембілов Қазақстан әйелдер құрамасының жаңа бас бапкері болып тағайындалды. Бұл туралы Қазақстанның футбол федерациясы хабарлады.

Мадияр Кембілов бапкерлік мансабын 2005 жылы бастаған.

"Ордабасы U-16", "Академия Оңтүстік", "Тұран Ж", "Яссы" сияқты клубтарда жаттықтырушы қызметін атқарған. Қазіргі уақытта ол "БИІК-Шымкент" қыздар командасының ​​бас бапкері лауазымын қатар атқарады.

Осыған дейін бұл қызметте ресейлік маман Александр Семенов болған еді.

Айта кетейік, Қазақстан әйелдер құрамасы биыл УЕФА Ұлттар лигасына қатысады. Жеребе қорытындысы бойынша біздің команда С лигасының төртінші тобына түсіп, онда Израиль, Эстония және Армениямен ойнайды.

Топтық кезең матчтары 20 қыркүйекте басталып, 2023 жылдың 5 желтоқсанына дейін жалғасады.

Мәтіннен қате тапсаңыз, бізге жазыңыз