"Реал Мадрид" клубының бұрынғы ойыншысы Иско "Бетис" сапына қосылды.
Бұл ақпаратты "Бетис" футбол клубының баспасөз қызметі растап отыр.
Клуб пен "Реал Мадридтің" бұрынғы ойыншысы бір жылға келісімшартқа отырған.
Айта кетейік, Иско өткен жылдың тамыз айында "Реал Мадрид" сапынан еркін агент ретінде кетіп, "Севилья" ойыншысы атанған еді.
2022 жылы желтоқсанда жартылай қорғаушы мен "Севилья" келісімшартты бұзу туралы шешімге келді.
Кейінірек басылым беттерінде берлиндік "Унион" Исконы қатарына қосады деген ақпарат тараған болатын. Алайда бұл трансфер жүзеге асқан жоқ.
Содан бері жартылай қорғаушы клубсыз жүрді.
Мақаланың түпнұсқасы: https://kaz.nur.kz/sport/football/2030261-real-sapynda-dop-tepken-isko-betis-oiynsysy-atandy-video/
