Роналду өнер көрсететін клуб атақты футболшыны сатып алды

Сенегал құрамасының шабуылшысы Садьо Мане "Әл-Наср" ойыншысы атанды. Бұл ақпаратты Сауд Арабиясында өнер көрсететін клубтың баспасөз қызметі растады, деп жазады KAZ.NUR.KZ тілшісі.

"Бавария" футбол клубы бұл трансфер үшін бонуспен қоса есептегенде 28-30 миллион еуро алады.

Ал Садьо Манеге "Әл-Наср" клубы жылына 40 миллион еуродай жалақы береді деп күтіліп отыр.

Шабуылшы осы жылы Криштиану Роналду, Марцело Брозович, Алекс Теллес және Секо Фофанамен бірге доп тебеді.

Айта кетейік, Садьо Мане өткен маусымда мюнхендік "Бавария" сапында доп теуіп, 12 гол соққан және 6 рет әріптестеріне нәтижелі пас берген.

Бұған дейін Сенегал құрамасының капитаны "Ливерпуль", "Саутгемптон", "Ред Булл Зальцбург" сапында доп тепкен.

Мәтіннен қате тапсаңыз, бізге жазыңыз