Чемпиондар лигасы: "Астана" мен "Динамо" арасындағы ойынды қайдан көрсе болады

Бүгін, 2 тамызда "Астана" футбол клубы Чемпиондар лигасының екінші іріктеу кезеңінің жауапты матчын өткізеді. Бұл туралы KAZ.NUR.KZ тілшісі хабарлайды.

"Астана арена" стадионында елордалық команда загребтік "Динамо" клубын қабылдайды. Қос ұжым арасындағы алғашқы матч Хорватияда өтіп, 4:0 есебімен алаң иелері жеңіске жеткен болатын.

Қазақстандықтар "Астана" мен "Динамо" арасындағы кездесуді Qazsport арнасынан тікелей эфирден көре алады. Ойын 19.50-де басталады деп күтіліп отыр.

Айта кетейік, елордалық клуб Чемпиондар лигасының алғашқы айналымында тбилисилік "Динамо" командасын жарыс жолынан шығарған еді.

Мәтіннен қате тапсаңыз, бізге жазыңыз