Бразилия құрамасының ойыншысы ПСЖ сапынан кетіп, ресми түрде "Әл-Хилаль" ойыншысы атанды. Бұл туралы команданың желідегі ресми парақшасында хабарланды, деп жазады KAZ.NUR.KZ.
31 жастағы футболшы клубпен екі жылдық келісімшартқа қол қойған. Саудиялық клуб Неймарға екі маусым доп тепкені үшін 320 миллион доллар көлемінде жалақы төлемек.
Неймар саудиялық клубқа ауысу үшін де өз талаптарын қойып үлгерді. Ол Сауд Арабиясында арнайы қызметшілері бар жеке үй, жеке ұшақ болуын сұраған.
Одан бөлек, футболшы аяғы ауыр сүйіктісін өзімен алып келетін болды. Сауд Арабиясында некесіз адамдардың бірге тұруына тыйым салса да, әлемдік футбол жұлдызының айтқанын саудиялықтар екі етпей орындауда.
Сондай-ақ Неймар Сауд Арабиясынан әлеуметтік желіге суреттер салғаны үшін де ірі көлемде қаражат алмақ.
2017 жылдан бастап Неймар франциялық "ПСЖ" клубында өнер көрсетті. Ол команда сапында 173 ойын өткізіп, 118 гол соққан.
Мақаланың түпнұсқасы: https://kaz.nur.kz/sport/football/2032609-aigili-braziliyalyq-neimar-resmi-turde-al-xilal-oiynsysy-atandy/
