Футболшы қызды ернінен сүйген Испания футбол федерациясының басшысы дауға қалды

20 тамыз күні футболдан Испания әйелдер құрамасы тарихта тұңғыш рет әлем чемпионы атанды. Ал марапаттау рәсімінде болған жағдай ел арасында қызу талқылануда, деп жазады ТАСС агенттігіне сілтеме жасаған KAZ.NUR.KZ.

Футболшы қыздарды марапаттау рәсімінде Испания корольдігі футбол федерациясының президенті Луис Рубиалес команда капитаны Дженивер Эрмосоның ернінен сүйіп алған.

Кейін президент көпшіліктен кешірім сұрап, футболшы қызды эмоцияның әсерімен сүйгенін жеткізді.

Алайда бұл жергілікті жанкүйерлер мен басшылардың ашуына тиген.

Еңбек министрінің екінші орынбасары Иоланда Диас федерация президенітінің қызметінен кетуін талап етті.

Сондай-ақ белсенділер де бұл мәселеге назар аударып, Рубиалесті қатаң сынға алуда.

Ал футболшы Эрмосо болса мұның достық ниет екенін айтып, мәселеге айтарлықтай мән бермейтінін жеткізген.

Мәтіннен қате тапсаңыз, бізге жазыңыз