Конференция лигасы: "Астана" жеңіске жетіп, "Тобыл" есе жіберді

УЕФА Конференция лигасында сынға түсіп жатқан "Астана" өз алаңында албаниялық "Партизаниді" жеңді. Бұл туралы KAZ.NUR.KZ хабарлайды.

Ойындағы жалғыз голды матчтың 41-минутында Степан Лончар соқты.

Ал Абат Айымбетов пен Марин Томасовтың соққан голдарын төреші есепке алған жоқ.

Қарымта матч 31 тамыз күні Албанияның Тирани қаласында өтеді.

Қостанайлық "Тобыл" чехиялық "Викторияға" өз алаңында 1:2 есебімен жол берді. "Тобыл" сапынан Серж Дебле пенальтиді сәтті орындаған.

Қарымта кездесу 31 тамызда сырт алаңда өтеді.

Мәтіннен қате тапсаңыз, бізге жазыңыз