Чемпиондар лигасы: Криштиану Роналду тәжікстандық командаға қарсы ойнайды

Футболдан Азия Чемпиондар лигасының жеребесі тартылды. Криштиану Роналду ойнайтын "Әл-Наср" клубының қарсыластары анықталды, деп хабарлайды KAZ.NUR.KZ.

Роналду доп тебетін "Әл-Наср" клубы тәжікстандық "Истиклол", ирандық "Персеполим" және катарлық "Әл-Духаилмен" бір топқа түсті.

Командалар Е тобында бақ сынайды.

Ал Неймар ойнайтын "Әл-Хилал" D тобында өзбекстандық "Навбахор", ирандық "Нассаджи Мазандаран" және үндістандық "Мумбаи Ситимен" қарсылас атанды.

Кәрім Бензема намысын қорғайтын "Әл-Иттихад" өзбекстандық АГМК, ирандық "Сепахан" және ирактық "Әл-Кувамен" ойнайды.

Чемпиондар лигасының топтық кезеңі 18-20 қыркүйекте басталады.

Мәтіннен қате тапсаңыз, бізге жазыңыз