Головкин қазақстандық футболшыларды қолдау үшін елге оралмақ

Даңқты қазақстандық боксшы Геннадий Головкин жақында елге оралатынын мәлімдеді. Бұл туралы ол Instagram-дағы ресми парақшасында хабарлады.

Головкин желідегі ресми парақшасында жақында үйіне оралатынын жазып, жанкүйерлерін қуантты.

"Жақында үйімізге ораламыз. Ең алдымен, футболдан ұлттық құрамамызды қолдап, жанкүйерлер жанынан табыламыз", - деді боксшы парақшасында.

Желі қолданушылары боксшыны қолдап, оны елде күтетінін жазды. "Күтеміз", "Осы үшін футболға баратын болдық", - деп пікір қалдырды боксшының жанкүйерлері.

Айта кетейік, ұзақ үзілістен соң елге оралған Головкин бешбармақ пен бауырсақ қойылған дастархан басынан сурет жариялағанын жазған едік.

Мәтіннен қате тапсаңыз, бізге жазыңыз