Мемлекет басшысы Қасым-Жомарт Тоқаевтың қолын алған Қазақстан ұлттық құрамасының қорғаушысы, танымал футболшы Нұралы Әліп эмоциясын жасыра алмады, деп хабарлайды KAZ.NUR.KZ.
Естеріңізге сала кетейік, кеше Астанада өткен матчта Қазақстан құрамасы Солтүстік Ирландия құрамасымен кездесіп, 1:0 есебімен басым түсті.
Ұлттық құраманың жарқын жеңісінен кейін ойынды тамашалауға арнайы келген президент киім ауыстыратын бөлмеге кіріп, футболшыларды құттықтады.
Футболшылар мемлекет басшысын зор қошеметпен қарсы алып, оған доп тарту етті.
"Командамыздан атынан сізге сыйлық. Қолдауларыңызға көптен-көп рахмет!", - деді команда капитаны Асхат Тағыберген.
Өз кезегінде команда қорғаушысы Нұралы Әліп президенттің қолын алып, қуаныштан эмоциясын жасыра алмады.
Футболшының шынайы эмоциясы желі қолданушыларының арасында қызу талқылануда.
Мақаланың түпнұсқасы: https://kaz.nur.kz/sport/football/2036080-prezidenttin-qolyn-ustadym-toqaevtan-zyly-lebiz-estigen-nuraly-alip-emociyasyn-zasyra-almady-video/
